Maʼnaviy-maʼrifiy ishlar va kadrlar bilan taʼminlash xizmatida yo‘l qo‘yilgan kamchiliklar tanqidiy muhokama qilindi
O‘zbekiston Respublikasi Ichki ishlar vaziri o‘rinbosari general-mayor D.Nazarmuxamedov tomonidan 2024-yilning 7-iyun kuni tasdiqlangan hududiy ichki ishlar organlarida maʼnaviy-maʼrifiy ishlar va kadrlar bilan taʼminlash, taʼlim jarayonini tashkil etish, xodimlarni jismoniy va jangovar tayyorgarligini oshirish borasida amalga oshirilayotgan ishlar ahvolini o‘rganish va amaliy yordam ko‘rsatish bo‘yicha reja-topshiriqqa asosan, vazirlik ishchi guruhi tomonidan joriy yilning 8-10 iyun kunlari Andijon viloyati ichki ishlar organlarida o‘rganish ishlari olib borildi.
Mazkur o‘rganish ishlari davomida aniqlangan kamchiliklar bo‘yicha boshqarma boshlig‘ining o‘rinbosari podpolkovnik J.M.Davronov raisligida maʼnaviy-maʼrifiy ishlar va kadrlar bilan taʼminlash yo‘nalishidagi masʼul xodimlar ishtirokida muhokama yig‘ilishi o‘tkazildi.
Tanqidiy va tahliliy ruhda bo‘lib o‘tgan muhokama yig‘ilishida yo‘l qo‘yilayotgan kamchiliklar ro‘yi-rost o‘rtaga tashlanib, kelgusida amalga oshirilishi lozim bo‘lgan ishlar yuzasidan chora-tadbirlar belgilab olindi.
Andijon viloyati IIB Axborot xizmati
