Xabar berilganidek, IIV tomonidan hamkasblari orasida namuna bo‘layotgan xodimlarni munosib rag‘batlantirish maqsadida sohaviy xizmatlar kesimida ko‘rik tanlovlar o‘tkazilmoqda.

Xususan, Andijon viloyati IIB Ekspert-kriminalistika markazi xodimlari o‘rtasida “Eng yaxshi ekspert-kriminalist” ko‘rik tanlovi o‘tkazildi.

Barcha shahar-tuman IIBlaridan ishtirok etgan ko‘rik-tanlov ishtirokchilarini saralash uch bosqichdan iborat bo‘ldi.

Birinchi shartda ishtirokchilar belgilangan soniyalar ichida “Kalashnikov” avtomati va “Makarov” pistoletini to‘liqsiz qismlarga ajratish va yig‘ish amaliyotini bajarishdi.

Ikkinchi bosqichda ichki ishlar organlari sohaviy xizmati, maʼnaviy-maʼrifiy yo‘nalish, jangovar va xizmat tayyorgarligi bo‘yicha test savollari qabul qilindi.

Uchinchi bosqichda esa xodimlarning sohaviy bilimlari savol-javob tarzida bo‘lib o‘tdi.

Yakuniy natijalarga ko‘ra: 1-o‘rinni Andijon viloyati IIb Ekspert-kriminalistika markazi bosh eksperti kapitan Shermuxammedov Abbosbek Bahodirjon o‘g‘li qo‘lga kiritdi.

Shuningdek, tanlovda 2-o‘rin Andijon viloyati IIB Ekspert-kriminalistika markazi katta eksperti kapitan Madaminov Mirjalol Mirzakarim o‘g‘liga, 3-o‘rin esa Andijon viloyati IIB Ekspert-kriminalistika markazi bosh eksperti mayor To‘rayev Xuzurbek Murodjonovichga nasib etdi.

Hududiy saralash bosqichida g‘oliblikni qo‘lga kiritgan xodimlar Respublikada bo‘lib o‘tadigan ko‘rik tanlovda ishtirok etishadi.

Andijon viloyati IIB Axborot xizmati