Yangi yil bayrami arafasida Andijon viloyati ichki ishlar organlari xodimlarining farzandlari uchun “Buratinoning sarguzashtlari” nomli yangi yil tomoshasi namoyish etildi
Yangi yil o‘zgacha kayfiyatda kutiladigan bayram. Uning moʻjizakorligi ko‘ngillarga ko‘tarinki ruh, zavqu-shavq olib kelishidir. Ayni kunlarda yurtimiz bo‘ylab barchaga shodu-xursandchilik ulashib, yangi yil shukuhi kezib yuribdi. Xususan, Yangi yil bayrami munosabati bilan Andijon viloyatining barcha shahar-tumanlarida ham turli xil ko‘ngilochar bayram tantanalari bo‘lib o‘tmoqda.
Joriy yilning 30-dekabr kuni Andijon viloyati ichki ishlar organlari xodimlari va ularning oila aʼzolarini ijtimoiy qo‘llab quvvatlash maqsadida “Yangi 2024-yil” bayrami munosabati bilan Andijon joylashgan 3-son Bolalar va musiqa sanʼati maktabida ichki ishlar organlari hamda xizmat burchini bajarish vaqtida mardlarcha vafot etgan xodimlarning farzandlari uchun “Buratinoning sarguzashtlari” nomli yangi yil tomoshasi namoyish etildi.
Ushbu yangi yil tomoshasi jajji bolajonlarga o‘zgacha bayram kayfiyatini ulashishdi. Quvonarlisi, tomoshaga tashrif buyurgan har bir tomoshabin ularni iliq qarshi olishdi va qarsaklar bilan olqishlab turishdi.
Shuningdek, bayram munosabati bilan barcha shaxsiy tarkib hamda yurtimiz tinchligi va barqarorligini taʼminlash yo‘lida halok bo‘lgan ichki ishlar organlari xodimlarning farzandlariga bayram sovg‘alari topshirildi.
Andijon viloyati IIB Axborot xizmati
