"Yangi yil" bayrami munosabati bilan Andijon viloyati IIB xodimlarining farzandlari uchun "Yangi yil tomoshasi" nomli spektakl namoyish etildi
Yangi yil o‘zgacha kayfiyatda kutiladigan bayram. Uning moʻjizakorligi ko‘ngillarga ko‘tarinki ruh, zavqu-shavq olib kelishidir.Ayni kunlarda yurtimiz bo‘ylab barchaga shodu-xursandchilik ulashib, yangi yil shukuhi kezib yuribdi. Xususan, Yangi yil bayrami munosabati bilan Andijon viloyatining barcha shahar-tumanlarida ham turli xil ko‘ngilochar bayram tantanalari bo‘lib o‘tmoqda.
Xususan, bugun 27-dekabr kuni “Yangi 2025-yil” bayrami munosabati bilan Andijon viloyati ichki ishlar organlari xodimlari hamda o‘z xizmat vazifasini bajarish vaqtida qahramonlarcha halok bo‘lgan xodimlarning farzandlariga Andijon viloyat qo‘g‘irchoq teatrida sahnalashtirilgan bayram tomoshasi namoyish etildi.
"Yangi yil tomoshasi" nomli spektakl jajji bolajonlarga o‘zgacha bayram kayfiyatini ulashishdi. Quvonarlisi, tomoshaga tashrif buyurgan har bir tomoshabin ularni iliq qarshi olishdi va qarsaklar bilan olqishlab turishdi.
Shuningdek, bayram munosabati bilan barcha shaxsiy tarkib hamda yurtimiz tinchligi va barqarorligini taʼminlash yo‘lida halok bo‘lgan ichki ishlar organlari xodimlarning farzandlariga bayram sovg‘alari topshirildi.
Albatta, ushbu tadbirlarning tub zamirida mehr va eʼtiborga muhtoj yosh qalblarni qo‘llab-quvvatlash hamda ularning huquq va erkinliklarini himoya qilish kabi ezgu fazilatlar ham mujassamligi shubhasizdir.
Bir so‘z bilan aytganda tashkil etilgan Yangi yil bayrami tomoshasi barcha bolajonlarga o‘zgacha quvonch ulashdi. Hozirda bu kabi tadbirlar shahar-tuman ichki ishlar organlari tomonidan ham joylarda davom ettirilmoqda.
Andijon viloyati IIB Axborot xizmati
