Qo‘rg‘ontepa tumani IIB xodimlarining yo‘l harakati qoidalari bo‘yicha bilimlari oshirilmoqda
Zamonaviy jamiyatchilikni o‘ziga xos tartib va qoidalarsiz tasavvur etib bo‘lmaydi. Chunonchi, siz yoki biz kabi insonlardan farqli o‘laroq, davrimizning tartib posbonlaridan mavjud qoidalarni hammadan afzalroq tarzda o‘zlashtirish talab etilishi turgan gap.
Qo‘rg‘ontepa tumani IIBda xizmat faoliyatini olib borayotgan xodimlar uchun yo‘l harakati xavfsizligi bo‘yicha qo‘shimcha o‘quv-seminar mashg‘ulotlari o‘tkazilmoqda. Shuningdek, IIB masʼullari va YHXB inspektorlari tomonidan xodimlarga tegishli bo‘lgan transport vositasining hujjatlari tekshirib o‘tilmoqda.
Ushbu jarayon O‘zbekiston Respublikasi Ichki ishlar vazirining 2023-yil 17-fevral kunidagi “Ichki ishlar organlarida “Yo‘l harakati xavfsizligi oyligi”ni o‘tkazish” to‘g‘risidagi 42-sonli farmoyishi ijrosini taʼminlash maqsadida amalga oshirilmoqda.
Andijon viloyati IIB Axborot xizmati
