Qo‘rg‘ontepa tumanida «Payshanba – huquqbuzarliklar profilaktikasi kuni» munosabati bilan keng qamrovli tadbirlar o‘tkazildi
«Payshanba – huquqbuzarliklar profilaktikasi kuni» munosabati bilan Andijon viloyati IIB boshlig‘i polkovnik A.T.Rahmatullayev tomonidan tasdiqlangan rejaga asosan boshqarma boshlig‘ining o‘rinbosari podpolkovnik I.I.Fayzullayev masʼulligida Qo‘rg‘ontepa tumanida tadbir tashkil etildi.
Tadbir oldidan tumandagi barcha masʼul korxona, tashkilot va muassasalar vakillari hamda huquqni muhofaza qiluvchi idoralar xodimlari ishtirokida xizmat oldi yo‘riqnoma o‘tkazilib, profilaktik tadbirlar aholini ijtimoiy-iqtisodiy qo‘llab-quvvatlash, jinoyat va huquqbuzarliklarning oldini olish, yo‘l harakati xavfsizligini taʼminlash hamda terrorizm va diniy ekstremizm bilan bog‘liq tezkor-profilaktik tadbirlar yo‘nalishida olib borildi.
Shuningdek, kriminogen murakkab bo‘lgan «Yangi hayot», «Yangi qo‘rg‘on» va “Yuksalish” mahallalariga borib, «Temir daftar», «Ayollar daftari» va «Yoshlar daftari»ga kiritilgan fuqarolar bilan ishlash yo‘nalishida amalga oshirilayotgan ishlar o‘rganildi.
Andijon viloyati IIB Axborot xizmati
