“Vatanparvarlik oyligi” doirasida Andijon viloyati IIB apparati shaxsiy tarkibi bilan saf tayyorgarligi mashgʻulotlari oʻtkazildi
Ichki ishlar organlari xodimlarini milliy gʻoya va Vatanga sadoqat ruhida tarbiyalash, ularning qalbi va ongiga Vatan himoyasi sharafli va muqaddas burch ekanini chuqur singdirish hamda Oʻzbekiston Respublikasi mustaqilligining oʻttiz bir yilligi bayramini munosib kutib olish maqsadida oʻtkazilayotgan “Vatanparvarlik oyligi” doirasida Andijon viloyati IIB apparati shaxsiy tarkibi bilan saf tayyorgarligi mashgʻulotlari oʻtkazildi.
Mashgʻulotlar davomida shaxsiy tarkibning safda harakatlanish va saf amallarini bajarish koʻnikmalari oshirildi. Shuningdek saf koʻrigi davomida xodimlarning xizmat va jangovar shayligi bilan bir qatorda xizmat kiyimidan foydalanish tartibi ham tekshirildi.
Aytib oʻtish joizki, bu kabi saf koʻriklari ichki ishlar organlari xodimlarini har qanday vaziyatda ham xizmatga shay turishlarini taʼminlaydi.
Andijon viloyati IIB Axborot xizmati
