"Xalqaro qizlar kuni" munosabati bilan IIV Andijon akademik litseyiga yangi qabul qilingan o‘quvchi qizlar viloyat IIBda tashkil etilgan “Shon-sharaf” muzeyi va xotira maydoniga tashrif buyurdilar
11-Oktyabr "Xalqaro qizlar kuni" munosabati bilan O‘zbekiston Respublikasi IIV Andijon akademik litseyiga yangi qabul qilingan o‘quvchi qizlari Andijon viloyat ichki ishlar boshqarmasining “Shon-sharaf” muzeyiga tashrif buyurdilar. Unda harbiy xizmatchilar va o‘quvchilar O‘rta Osiyo, xususan, Andijonning qadimgi davlatchilik xavfsizligidan boshlab, bugungi kungacha bosib o‘tgan yo‘li, hududiy xavfsizlik va xalq osoyishtaligi yo‘lida xizmat qilgan fidoiylar, o‘tgan har bir davrning voqea hodisalarini o‘zida mujassam etgan ko‘rgazmalar bilan yaqindan tanishdilar.
Bundan tashqari boshqarmada tashkil etilgan xotira maydonida xizmat vaqtida halok bo‘lgan xodimlar yod etildi. Shundan so‘ng esa ular to‘g‘risida maʼlumotga ega bo‘ldilar.
Andijon viloyati IIB Axborot xizmati
